Hum tou saaya tera ban jayen agar tu chahe
Ya kabhi bhi na nazar aayen agar tu chahe
Tu jo chahe tou sare-e-aam karen ehd-e-wafa
Yunhi dunia se guzar jayen agar tu chahe
Tujh se milne mein tou jaana teri ruswai hay
Hum teri yaad se mil ayen agar tu chahe
Tu jo keh de tou pukaaren sar-e-bazaar tujhe
Ajnabi ban k guzar jayen agar tu chahe
Zindagi kaat lein agar teri ijazat mil jaye
Teri chuakhat pe hi mar jayen agar tu chahe
Thokar lagi tou, Apne muqadar pe ja gira
Phir yun huwa k, Aaina pathar pe ja gira
Ehsaas-e-Farz jab bhi huwa, Neend aa gayi
Chalna tha pul-saraat pe, Bister pe ja gira
Baazi mohabbaton ki jahaalat ne jeet li
Wo ban gaya khateeb, Jo mimber pe ja gira
Khushbu qasoor-waar nahi, is ko chor do
Main phool torte huwe kantoon pe ja gira
Sahraaon mein liye phirta raha paani ki justaju
Jab piyas mar gayi to, Samudar pe ja gira
"Aakhirat ko bhool betha fikr-e-dunya k evaz"
"Mout ka hamla achanak bekhabar kesa laga?"
"Hanste hanste tou ne dunya mein guzari zindagi"
"Ab naya zair-e-zamin ye tang ghar kesa laga?"
"Dafan kar k qabar mein sub berukhi se chal diye"
"Jis se tu manus tha ab wo bashar kesa laga?"
"Tu hansa karta tha auroon ko preshan dekh kar"
"Chal diya apno ko rota chor kar kesa laga?"
"Ab na wo takya mulayam aur na wo bistar narm"
"Jism pe 2 gaz kafan mitti pe sir kesa laga?"
-Aa Bant len Saray dard-o-Alam kuch tum rakh lo kuch hum rakh len-
-Ab Ponch lo apnay ashk Sanam, Kuch tum rakh lo kuch hum rakh len-
-Hum sath rahen aur sath chalen hub sath jiyen aur sath maren-
-Is raah-e-wafa pe qadam, kuch tum rakh lo kuch hum rakh len-
-Mana k dukhon se tum ho bhare or hum bhi khali hath nahi-
-Ye zulm-o-sitam tumhen meri qasam, kuch tum rakh lo kuch hum rakh len-
-Bedard zamane wale jo kuch kehte hain kehne do-
-Beloas tamanaon ka bharam, kuch tum rakh lo kuch hum rakh len-
"Yun rah-e-wafa ki saleeb par, Tere 2 qadam uthane ka shukria"
"Bara pur khatar tha ye rasta, Tere laut jane ka shukria"
"Jo udaas hain tere hijr mein, Jinhein bojh lagti hay zindagi"
"Sar-e-bazm yun unko dekh kar, Tere muskurane ka shukria"
"Teri yaad kis kis bhais mein, Mery sher-o-nagme mein dhal gai"
"Ye kamal tha teri yaad ka, Mujhy yaad aaney ka shukria"
"Jo asool tha zamane bhar ka, Wo asool tu ne nibha diya"
"Yahi rasm thehri hay motabr, Mujhy bhool jane ka shukria"
Wo paani ki lehron pe kia likh raha tha
KHUDA jaane hurf-e-duaa likh raha tha
Likha tha jis ne wafa k maani adhuray
Wo shakhs pyaar ki intiha likh raha tha
Zara uski aankh se ek aansoo na nikla
Wo jis waqt lafz-e-saza likh raha tha
Muhabbat mein nafrat mili thi usay
Wo har shakhs ko be-wafa likh raha tha
Is qadar zamane waalon ne usko sataya
Wo pyaar k jazbay ko gunah likh raha tha
Main wohi hon jisay tum dost kaha karte thay
Din mein so baar mera naam liya karte thay
Aaj kiya baat hay kyun mujh se khafa bethay ho?
Kiya kisi aur ko tum dost bana bethay ho?
Faaslay itne to pehle na huwa karte thay
Main wohi jisay tum dost kaha karte thay
Tum agar bhool gaye ho to koi baat nahi
Zakham to pehle bhi is dil pe laga karte thay
Main wohi hon jisay tum D-O-S-T kaha karte thay.
Apni khushian luta kar us pe qurban ho jaon...
Kash kuch din us shehar mein mehman ho jaon,
Wo apna nayab dil mujh ko de de aur phir mange,
Main mukar jaon aur be-imaan ho jaon,
Wo mujh pe sitam kare har kisi ki tarha,
Main is ada par bhi meharban ho jaon,
Wo mere paon k neeche se zameen khainch le,
Aur phir main us ka aasman ho jaon,
Ab tou mujhe itni muhabat ho gai hai us se k,
Khuda koi mojzaa kare aur main us k naam ho jaon.
Jab udas ho to gunguna lena mujhko,
Jab tumhara koi na bane to apna bana lena mujhko
Kabhi agar socho k tum se ziyada tumhen kon chahta hai,
To apne naam k sath phir se dohra lena mujhko
Hansne k liye to mil jayen ge hazaron tum ko,
Jab rone k liye na mile koi kandha to bula lena mujhko.
Khwahishon k Aangan mein raat din bseray thay,
Titliyan tumhari then aur phool mere thay
Chand aasmano se jab zamin pe utra tha,
Dekhnay mein raatein then asal mein sweray thay
Tere paas basnay ki khai thi qasam lekin,
Shehar bhi praya tha log bhi luteray thay
Lut gaye hum dono to qasoor kis ka hay?
Khwahishen bhi teri then feslay bhi tere thay
Juda hone ka andesha, Juda hone se pehle tha
Wo mujh intehai khush, Khafa hone se pehle tha
Junoon ka daur guzra tou, Mujhe bhi bhool betha wo
Namaz-e-ishq tha lekin, Qaza hone se pehle tha
Main kese soch sakta tha, Mujhe wo chorr jaye ga
Bohut hi ba-wafa wo, Be-wafa hone se pehle tha
,*,PEHLI CHAHAT,*,
Mujh ko tera pyaar teri dosti achi lagi
Teri nisbat se sada ye zindagi achi lagi
Main ne apne RAB se phir manga tujhi ko umar bhar
Teri aankhon ki mujhe dariya dili achil lagi
Bhaa gaee muskan tere honton ki teri kasam
Teri baaton ki Mujhe sanjeedgi achi lagi
Yoon tou ghazlen bhi likhi hain, Geet bhi main ne magar
Jis mein ho bus tum hi tum, wo shayari achi lagi
Ye guzarish hai faqat muj pe meharbaan raho.....
Tum kisi aour ko dekho tu bura lagta hai.
Meri chahat ka taqaza hai mere saath raho....
Haath jo gair ka thamo tu bura lagta hai.
Ye tamanna hai tere har roop ko har pal dekhoon....
Tum mere paas se uthu tu bura lagta hai.
Roz-o-shab aaj b parwa hai tumhari muj ko.
Shareek-e-ghum huwa jo meray chhot khanay k baad
Kho diya main ne us panay k baad
Mujhy naaz raha raqat us amal par sada
Usnay mujhy apna mana aazmanay k baad
Suna hay tarap raha hay wo meri wafa k liye
Shayad pachta raha hay mujhy thukranay k baad
Aaj youn hi sar-e-raah us sy nazar ja mili
Wo ro diya mujh se nazar milanay k baad
Kis kis ko doun ilzaam bewafai ka
Har koi chor gaya mujh ko apnanay k baad
[Main aur Meri Awargi]
Hum bhi kabhi abad thay
Aisy kahan barbad thay
Be fikr thay azad thay,
Masroor thay dilshad thay
Wo chal aisi chal gya,
Hum bujh gae dil jal gya,
Niklay jala k apna ghar,
"Main aur Meri Awargi"
Ye dil hi tha jo seh gya
Wo bat aisi keh gya
Kehnay ko phir kya reh gya
Ashkon ka darya beh gya
jab keh k wo dilber gya
Tere liye main mar gya
Roty hein us ko raat bhar
"Main aur Meri Awargi".....
Yehi wafa ka sila hay tou koi baat nahi
Ye dard tum ne diya hay tou koi baat nahi
Itna bohut hay k tum dekhte ho saahil sy
Hum doob rahein hain tou koi baat nahi
Kis ki majaal jo mujhko kahe be-wafa
Agar ye tum ne kaha hay tou koi baat nahi
Ye mery bus mein kahan k tujh ko bhool sakun
Tu mujhko bhool chuka hay tou koi baat nahi
Ye zamane ki wafaen mere kaam ki nahi
Mujhe us ki wafa chahiye kisi aam ki nahi
Uski to ek muskurahat bhi anmol thi
Ye tamam muskurahaten kisi daam ki nahi
Mujhe gham hei to uske chin jane ka hei
Parwah mujh par lage ilzaam ki nahi
Mera haath dekh kar najomi ye bola
Bohut si chahaten tere liye hain baqi lekin "Mohsin"
Tere haath mein koe bhi lakeer us k naam ki nahi
Adhori si hay zindagi adhoray hain hum
Bujh rahi hein saansen jal rahay hum
Badaltay mousamon nay sikhaya hay bohut kuch lekin
Panay ki hasrat mein sab kuch khoo rahay hain hum
Na maloom manzilon par qadam ruk say gaye hein
Bheer mein raaston ki taraf barh rahay hain hum
Toot kar bikhray hein khuwaab kuch is tarha
K ik arsa hua hay un ko chun rahay hain hum
Wafa hum nay ki un say ya ki bewafai
Bas us ki saza bhugat rahay hain hum
Apni yaadein, apni baatein le kar jana bhool gaya
Jaane wala jaldi mein tha, mill kar jana bhool gaya
Mur mur kar dekha tha usne jaate raste mein
Jese usne kehna tha kuch, jo wo kehna bhool gaya
Waqt-e-rukhsat meri aankhein ponch raha tha aanchal se
usko ghum tha itna ziyada, khud wo rona bhool gaya
Koi tum se pooche kon hoon main
Tum keh dena koi khaas nahi
Ek dost hai kacha pakka sa
Ek jhoot hai aadha sacha sa
Ek khwaab adhoora poora saa
Ek phool hai rookha sookha sa
Ek sapna hai bin socha sa
Ek apna hai un dekha sa
Ek rishta hai un jaana sa
Haqeeqat mein afsana sa
Kuch paagal sa deewana sa
Bas ek bahana acha sa
Jeevan ka aisa saathi hai
Jo door ho to kuch paas nahi
Koi tum se poche kon hon main
Tum keh dena koi khaas nahi