Humnasheen kaise bataon jazba-e-ulfat kiya hay
Khud batayi gi mohabbat mohabbat kiya hay
Ishq ko log kyun maseeha samajh bethay hain
Agar nahi ishq haqiqat tou haqiqat kiya hay
Aaya parwana gira shama par jal jal k mara
Tou ab bhi soch raha hay mohabbat kiya hay
Ishq ko bhool k jabbat ki hay dunya ko talaash
Ishq ki aag agar dozakh hay tou jannat kiya hay
Meri badli huyi rangat meri halat tou dekho
Ab tou samajh lo k mohabbat kiya hay
Wo Shakhs Kabhi Dasht Se Guzre Tou Usey Kehna,
Ek Pal Mere Ghar Mein Bhi Thehre Usey Kehna,
Kehna Ke Samandar Ke Kinare Pe Na Jaey,
Kuch Log Samandar Se Bhi Hain Gehre Usey Kehna,
Zarkhaiz Zameen Kabhi Banjar Nahi Hoti,
Darya He Badal Lete Hain Rasta Usey Kehna,
Kuch Log Sagar Ke Liye Mozoon Nahi Hote,
Kuch Raste Kat-tay Nahi Tanha Usey Kehna,
Is Shehar Mein Such Keh Ke Gunehgaar Na Hona,
Ke Basti Ke Sabhi Log Hain Behre Usey Kehna.
Zulf raaton si hay rangat hay ujaalon jesi
Par tabiyat hay wohi bhoolne walon jesi
Dhondta phirta hoon logon mein shahabat uski
K woh khuwaboon mein bhi lagti hay khayalon jesi
Uski baatein bhi dilaweez hein surat ki tarha
Meri sochein bhi preshaan mere baalon jesi
Uski aankhon ko kabhi ghor se dekha hay
Rone walon ki tarha jaagne walon jesi
*(SIRF TUM)* Ye to dil tha dewana k tum per aa gaya
Warna hum qeemti pathron ko b uthaya nahi karte
Ye mana k tum haseen ho magar he bhi sun lo
Hum haseen logon se dil lagaya nahi karte
Jis se karte hain piyaar bus ek hi baar karte hain
Baar baar hum bhi kisi ko sataya nahi karte
Tum to apne ho tum se kia parda
Warna hum raaz-e-dil kisi ko btaya nahi karte
Tum keh do to tumhare liye jaan bhi hazir
Warna hum zindagi dao per lgaya nahi karte
Nighahon k samandar ka thikana chahte hain hum
Hamey tum se mohabbat hai batana chahte hain hum
Humey achi nahi lagti kisi mosum ki shadabi
Tumhein bas apni saanson mein basana chahte hain hum
Hamara ghar tau roshan hai hamarey naam se lekin
Tumhare naam se jivan sajana chahte hain hum
Humein har haal mein tum se aqidat or mohabbat hai
Tumhare paas aane ka bahana chahte hain hum.
Lafz-e-mohabbat se bhi nafrat thi kabhi hum ko lekin
Majboor huwa dil teri kuch adaayen aisi bhi theen
Bhool kar bhi bhula na paaye hum tujhe
Dil mein basi teri kuch wafaayen aisi bhi theen
Jalta raha dil Shaam-o-saher
Teri mohabbat se haasil humein kuch sazaayen aisi bhi theen
Bujh gaya tujhse wabasta meri umeed ka diya
Tere shehar se aanay wali kuch hawaayen aisi bhi theen
Juda hone ka andesha, Juda hone se pehle tha
Wo mujh intehai khush, Khafa hone se pehle tha
Junoon ka daur guzra tou, Mujhe bhi bhool betha wo
Namaz-e-ishq tha lekin, Qaza hone se pehle tha
Main kese soch sakta tha, Mujhe wo chorr jaye ga
Bohut hi ba-wafa wo, Be-wafa hone se pehle tha
Kuch is tarha se main apni zindagi tamam kardon,
Waqt-e-sehar tum ko dikhaon aur shaam kardon
Khuwab mein bhi koi tere siwa dikhai na de,
Umer bhar k liye aankhon ko tera ghulam kardon
Tere pyaar ki khushbu se mehken meri saasen,
Aur jitni hein meri saansen sub tere naam kardon
Yaadein hain kuch aisi us k naam se wabasta,
Har subha hai jese har shaam se wabasta
Bas us k tasawur se fursat hi nahi milti
Rehti hain us ki yaadein har saans se wabasta
Laakhon hain tamanain par ye dua hai
Bas naam rahe mera us k naam se wabasta
Ab waqt-e-judai hay mujhe ab alvida keh do
Ab phir wo tanhai hay mujhe ab alvida keh do
Main laakh bura tehra hoon doston ki nazar mein
Dil ro tau raha hay magar mujhe ab alvida keh do
Mere aansoun tau mere hain meri khushiyan tumhari hain
Mubbarak tumko ye khushiyan mujhe ab alvida keh do
Mere jaane per na rona mujhe tum yaad na karna
Main tanha tha, main tanha hoon, mujhe ab alvida keh do
"Jane q zindagi ab sehra lagti hai"
"Saans bhi loon tou zakhmon ko hawa lagti hai"
"Q har baat ki taseer mujh par ulti hai"
"Koi dua bhi de tu bad-dua lagti hai"
"Jeene ki tamana nahin mujh ko zara bhi"
"Saans lena bhi ab tou ik saza lagti hai"
"Apne dil ka haal sunaon bhi tu kise"
"Jab sari duniya hi mujhe vewafa lagti hai"
"Koi marham nahin milta mere dard ka mujh ko"
"Ab tou bas mout hi mere zakhmon ki dawa lagti hai"
Tujh ko paane ki is liye zid nahi karte,
K tujh ko khone ka dil nahi karta
Dil ki baat is liye nahi batate,
K apna dil dukhane ko dil nahi karta
Tu milta hai to is liye nazren nahi uthate
K phir nazren hatane ko dil nahi karta
Khaabon mein tujh ko is liye nahi sajate,
K phir se jaagne ko dil nahi karta
Sach to ye hey jo mujhe jhoot ki aadat hoti
Mujh ko tumse na tumhein mujh se shikayat hoti
Apne maazi k fasanay jo sunata tum ko
Kese zinda hun ab tak tumhein hairat hoti
Kuch nahi kehta to kehtay hein k maghroor hu main
Aur kuch kehta to kuch aur shikayat hoti
Khud parasti jo na insaan ki firtrat hoti
Sari dunya mein mohabbat hi mohabbat hoti
Tum ne acha kia mujh ko na dia wafa ka badla
Tum bhi mujh se jo wafa kertay to tijarat hoti
Udas Mosam mein muskrana
Na Tere Bas Mein
Na Mere Bas Mein
Judai k rog ko chupana
Na Tere Bas Mein
Na Mere Bas Mein
Wo fasl-e-gul to ab dhal chuki hy
Chita Mohabbat ki jal chuki hy
Wafa ki maiyt ko ab uthana
Na Tere Bas Mein
Na Mere Bas Mein
Wo pyar k pal Wo chan raten
Wo dil nashen phool jesi baten
Haseen yaadon ko bhool jana
Na Tere Bas Mein
Na Mere Bas Mein
Aakhri baar muskura k milo
Jitne ghum hein unhein bhula k milo
Main ne phoolon se ghar sajaya hay
Inki khushboo mein khilkhila k milo
Jitne ghum de diye zamana ne
Zakhm un k diye mita k milo
Tum se aakhri guzarish hay
Guzray lamhon ko ab bhula k milo
Dekh k meri hansti aankhon ko
Tum bhi palkon pe ashk saja k milo
Dekho ab yaad kar k rona nahi
Mere sir ki qasam ye kha k milo
Dil ki hasrat rahi k chuloon tujhe
Ab tou mujh ko galay laga k milo
Kis ko raaton ko jagao gay mere baad
Kahan ja k jee behlao gay mere baad
Ab tou dekh k mujhe chup jaate ho
Phir kis ko ye naaz dikhao gay mere baad
Kon lagaye ga apni bahon ka takiya
Khud ko kis tarha sulao gay mere baad
Is tarha pyaar se kon bulaye gi tum ko
Meri chahat ko kaise bhulao gay mere baad
Dhundne se bhi na milon gi phir tum ko
Chup chup k ashk bahao gay mere baad
Sar rakh k zameen ki goad mein so jaon gi jab
Dost phir kisey banao gay mere baad
PATA NAHI KYUN?
Khuwab bikhar jate hain dhere dhere,
Saray log bichar jate hain dhere dhere,
Zabt karo to behtar hay warna,
Aanso zor pakar jate hain dhere dhere,
Sab irada kar ke sath chalte hain phir,
Raste badal jatay hain dhere dhere,
Jitnay paas hum kisi ke hote hain,
Utne fasle barh jate hain dhere dhere,
MAGAR
PATA NAHI KYUN?
Log badal jate hain dhere dhere.
Tum or kitna mujhey ishq mein barbad karo ge
Kareeb hay waqt judai phir mujhe yaad karo ge
Abhi tou har baat zamane ki maante ho tum
Kabhi dil ki suno ge tou mujhe yaad karo ge
Kis tarha pyaar se chehre ko dekhta hun tere
Khud ko aaine mein jo dekho ge tou mujhe yaad karo ge
Aaj jin raahon pe tera muntazir bana betha hon
Inhi raaston se guzro ge tou mujhe yaad karo ge
Kitne masoom ho kehte ho tumhein bhool jaon ga
Kuch waqt bhoolne se pehlay tou mujhe yaad karo ge
Yehi wafa ka sila hay tou koi baat nahi
Ye dard tum ne diya hay tou koi baat nahi
Itna bohut hay k tum dekhte ho saahil sy
Hum doob rahein hain tou koi baat nahi
Kis ki majaal jo mujhko kahe be-wafa
Agar ye tum ne kaha hay tou koi baat nahi
Ye mery bus mein kahan k tujh ko bhool sakun
Tu mujhko bhool chuka hay tou koi baat nahi
^^ Bichar Jana Mera Yon Bhi Ussy Manzoor Hai Shayad ^^
^^ Kare To Kya Kare Wo Bhi Bohut Majboor Hai Shayad ^^
^^ Main Us Ka Shehar Hi Chor Aaya Hon To Kya Hasil ^^
^^ Meri Manzil Mohabbat Ki Abhi Kuch Door Hain Shayad ^^
^^ Main Us K Pyaar Mein Har Shakhs Se Begana Rehata Hon ^^
^^ Sabhi Mehsoos Karte Hain Bohut Maghroor Hain Shayad ^^