Saath chalne main jo maza hota
Woh humain bhi kabhi mila hota
Yeh hi hasrat rahi hamari faqat
Saath apne koi chala hota
Hum bhatakte rahe the raahon mein
Koi rasta pata chala hota
Thaam leta humain bhi barh ke koi
Haath hum ko koi mila hota
Hum ulajhte nahi zamane se
Ek jo Humsafar mera hota
Hum na thakte safar mein gar
Saath apne koi chala hota
Zara tum shaam dhalne do
K suraj ko tou jane do
Parindo ko tou urne do
Zara tum shaam dhalne do
Abhi tou aasman ka rang nikhre ga
Abhi khushbo bhi bikhre gi
Abhi mosam bhi badle ga
Abhi tou chaand nikle ga
Abhi manzar badalne mein zara si dair baqi hay
Abhi dil k sambhalne mein zara si dair baqi hay
Chale Jana!
Abhi do chaar pal, do chaar sidiyan saath rehne do
Mujhe kuch aaj kehne do
Bus apne paas rehne do
Mujhe itna tou kehne do
"Mujhe tum se Mohabbat hay"
Tanha rehna seekh raha hoon
Mar k jeena seekh raha hoon
Paa k khona seekh raha hoon
Kho k pana seekh raha hoon
Sabr ko apni raah bana kar
Kaanch pe chalna seekh raha hoon
Phirty phirty sehra sehra
Pyaas ko peena seekh raha hoon
Jeeny ko hein ajab taqazy
Zinda rehna seekh raha hoon
Ajab soorat-e-haal hoti jaa rahi hai Raat k baad raat hoti jaa rahi hai Wo tou ab bhi mukamal hai pathar ki tarha Reza reza tou meri zaat hoti jaa rahi hai Main tou aaj bhi tanha hoon kal ki tarha Saari kainaat tou us k saath hoti jaa rahi hai
Nighahon k samandar ka thikana chahte hain hum
Hamey tum se mohabbat hai batana chahte hain hum
Humey achi nahi lagti kisi mosum ki shadabi
Tumhein bas apni saanson mein basana chahte hain hum
Hamara ghar tau roshan hai hamarey naam se lekin
Tumhare naam se jivan sajana chahte hain hum
Humein har haal mein tum se aqidat or mohabbat hai
Tumhare paas aane ka bahana chahte hain hum.
Moaziz ban k mehfil mein adakaari nahi karta
Main chehre pe kabhi jhooti ana taari nahi karta
Mera dushman mere dastoor se waaqif nahi shayad
Jise main dost keh doon us se ghadaari nahi karta
Yahan behtar hay apni zaat ka humdard ho jana
Zamana ghum tou de sakta hay ghumkhaari nahi karta
Khaali kaghaz pe harf sajaya karta tha
Tanhai mein shehar basaya karta tha
Kesa pagal shakhs tha saari saari raat
Dewaron ko dard sunaya karta tha
Ro deta tha aap hi apni baton par
Or phir khud ko aap hansaya karta tha
Jalne lagti laho mein judai tou deta
Tanhaion ki khaak uraya karta tha
Yaro be-waqt howa pyaar usey le doba
Jo logon ko pyaar k gur sikhaya karta tha
Tujhe ruswai ka darr hai, na aaya kar
Bicher jana hi behtar hai, na aaya kar
Kisi shaadaab kooche mein basa khud ko
Ye dil ujra hua ghar hai, na aaya kar
Guzar ja aayine jaisa badan le kar
Yahan har aankh pathar hai, na aaya kar
Mera dukh tum ko bhi ik din dabo de ga
Bohat gehra samandar hai, na aaya kar
Khuda ik pal usay mera bana de
Itna chahta hun usay koi usko bata de
Bohat naaz hai mujhe apni mahabbat par
Ho jaye wo mera aiasa koi mojza dikha de
Agar wo mera naseeb ban nahi sakta
Uske kadmon ki khak mujhe bana de
Apni dharkanon sekuch aise mera naam lo,
Ye waqt ruk jaye is lamhay ko thaam lo
Teri aankhon mein jhalak hay aisi mere piyaar ki
Saahil pe jese dhalti haseen shaam ho
Lafzon se hota nahi izhaar humse piyaar ka
Bus meri aankhon mein dekh kar khud ko pehcchaan lo
Jese tarasta hay sehra shabnam k choonay ko Wasi
Kabhi wese rab se tum bhi mujhe maang lo
"SOCH LENA" Soch samajh lena qadam uthanay se pehle
Kahin gir na jao manzil aanay se pehle
Ye aandhian bari berehm huwa karti hain
Ye soch lena koi diya jalanay se pehle
Apne aangan ko pholoon se sajaye rakhna
Phool sarey chun lena khizan aanay se pehle
Tumhare seeny mein bhi ik dil dharakta hai
Ye soch lena kisi ka dil dukhanay se pehle
Umar bhar kon kisi k liye rota hai Saqi
Log aansou bahatay hain dafnanay se pehle
Darta hoon maut se magar marna zarur hay
Larazta hoon kafan se par pehenna zarur hay
Ho jata hoon ghumgeen janaze ko dekh k
Lekin mera janaza bhi uthna zarur hay
Hoti hay bari kapkapi qabron ko dekh kar
Muddaton andheri qabr mein rehna zarur hay
Dunya tau mere dil ko lubhaati hay subho shaam
Par such hay isko chor k jana zarur hay
,*,PEHLI CHAHAT,*,
Mujh ko tera pyaar teri dosti achi lagi
Teri nisbat se sada ye zindagi achi lagi
Main ne apne RAB se phir manga tujhi ko umar bhar
Teri aankhon ki mujhe dariya dili achil lagi
Bhaa gaee muskan tere honton ki teri kasam
Teri baaton ki Mujhe sanjeedgi achi lagi
Yoon tou ghazlen bhi likhi hain, Geet bhi main ne magar
Jis mein ho bus tum hi tum, wo shayari achi lagi
Zindagi par kitaab likhon ga
Us mein saray hisaab likhon ga
Pyaar ko waqt guzaari likh kar
Chahton ko azaab likhon ga
Hoi barbaad mohabbat kesy
Kesy bikhartay hain khuwaab likhon ga
Apni khuwahish ka tazkira kar k
Naam uska jawaab likhon ga
Uski aankhain sharab ki manind
Uska chehra gulaab likhon ga
Main us k na milne k sabab ko
Apni qismat kharab likhon ga
Husn ki jheel ho tum aur kinaray hein yeh Hont
Such tou yeh hai keh mujhay jaan se pyaray hein yeh Hont
Main ne har bar mohabbat se inhain chooma hay
Us ne har bar mohabbat se obharay hein yeh Hont
Haath honto pe mery rakh k mujhay kehne lagi
Rokeay in ko bohat shoq k maary hein yeh Hont
Band Hote hain yah inkar ki surat mein magar
Adh khilay hon tou mohabbat k isharay hein yeh Hont
Aaj khud apnay muqadar pe mujhy rashk aya
Aaj honto mein mery us ne otaray hein yeh Hont
Choom kar Hont mery us ne kaha tha ye Qateel
Bas tumhary hein, tumhary hein, tumhary hein yeh Hont
Yaadein hain kuch aisi us k naam se wabasta,
Har subha hai jese har shaam se wabasta
Bas us k tasawur se fursat hi nahi milti
Rehti hain us ki yaadein har saans se wabasta
Laakhon hain tamanain par ye dua hai
Bas naam rahe mera us k naam se wabasta
Ho k sharminda gunaahon se, kabhi sar jhuka tou sahi
Wo karega maaf tujhe, do ashk baha tou sahi
Rahegi chandni qabar mein bhi saath tere
Tu uski yaad ko dil se zara laga tou sahi
Na rahega tu mohtaaj kabhi kisi ka
Kiya hay jo Khuda se eahed wo nibha tou sahi
Wo hay Ghafoor Raheem sunta hay dua subki
Arey nadaan apne haath utha k daman phaila tou sahi
Meri har janib samandar he kinara q nahi milta
Meray dil bata mujh ko sahara q nahi milta
Mujhey is sheher me din bhar hazaron log miltey hen
Jisey me dhondney nikli hon wo piyara q nahi milta
Jisey chaha, jisey dekha, jisey socha, jisey likha
Merey mola mera us se sitara q nahi milta
Yunhi ajnabi na bana karo, Kabhi muskura k mila karo
Kabhi sun to lo mera hal-e-dil, Kabhi mujh se koi gila karo
Teri ik nazar teri ik ada, Mere dil ko kar de la-pata
Mere dost mere mere hum-nawa, Mere dil ka koi pata karo
Ye treeq-e-ishq hay kuch to ho, ya wafa karo ya jafa karo
Koi faisla mere mehrban, Koi rasm tum bhi ada karo
Na hi zeest ka koi raasta, Na hi khud-khushi ka hay hosla
Mujhe pyaar do mujhe maar do, Koi kaam tum bhi kya karo
Her shakhs he jesy rukh-e-batil sy mila ho
Aik bhi nahi aisa jo humyn dil se mila ho
Phir rah sy, rehbar sy, musafat sy gila kya
Jab hukam palat jany ka manzil sy mila ho
Andaz-e-mulaqat bhi is baar juda tha
Jesy k unhyn waqt bhi mushkil sy mila ho